Fai de Anceu Coliving a túa base en 2022

Ola:

Aquí estamos, ao final desta tempada. Desde que abrimos Anceu Coliving hai ano e medio aprendemos moito, vivimos experiencias enormes e construímos unha comunidade sólida e marabillosa de xente de todo o mundo.

Queremos dar un grazas! especial aos 132 colivers que pasaron pola nosa porta. Sen eles, nada do que Anceu é hoxe tería sido posible.

Vamos repasar xuntos as cousas que pasaron desde que abrimos a nosa casa ao mundo.

Os proxectos que creamos

At Home

Convidamos artistas e deseñadoras a decorar as habitacións de Anceu de forma que conten unha historia.

Rural Revival

Formamos parte dun proxecto artístico participativo global que busca revivir o rural.

Rural Hackers

Centrámonos en desenvolver solucións tecnolóxicas sinxelas en comunidades rurais.

Coñecer a quen cambia as cousas

Tivemos a oportunidade de formar parte de eventos locais e de coñecer xente que inspira na comarca.

Manifesto dog-friendly

Deseñamos cos nosos colivers como nos gusta convivir coas nosas mascotas e como ser persoas responsables.

Un sitio de coñecemento

Oportunidades de traballo, intercambio de coñecemento, aprender e desenvolver habilidades: todo iso construíronno os colivers que viven aquí.

Que vén en 2022

Para 2022 queremos seguir centrados en construír unha comunidade forte e desenvolver proxectos novos. Algúns son estes:

Migracode

Estamos a traballar no desenvolvemento dun proxecto da Unión Europea: será unha escola de programación en Anceu para persoas en situación de vulnerabilidade, con socios de Suecia, Noruega, Chipre, Polonia e Grecia, en colaboración con Ticket2Europe. Podes visitar a web: https://migracode.eu/.

Healthy co-cooking

Despois de 365 ceas compartidas desde novembro de 2020, cando Maru e Roberto propuxeron a idea de cear xuntos como unha familia grande, o ano que vén vamos crear receitas saudables e de tempada.

Solidarity Developers e Rural Hackers

En colaboración con Ticket2Europe e cos nosos colivers Curro, Andreea e Mary, vamos desenvolver os proxectos europeos Solidarity Developers e Rural Hackers. O obxectivo é crear impacto na zona grazas á tecnoloxía e á innovación.

Fai de Anceu Coliving a túa base

Ofrecemos descontos para estadías longas, para poder desenvolver todos estes proxectos, construír unha comunidade forte e manter o espírito da viaxe lenta.

O ano que vén a estadía mínima será dun mes, e abriremos o 1 de marzo.

Con ganas de que formes parte da familia de Anceu.