Alliances
Comunidade, natureza e impacto local en Anceu Coliving
Ciclo da Auga: un proxecto artístico e de comunidade na aldea de Anceu
Este verán Anceu Coliving organizou un proxecto artístico de tres días chamado Ciclo da Auga, para dar a coñecer a importancia do uso da auga en Galicia e para celebrar e honrar o coidado dos recursos naturais na aldea de Anceu.
En Anceu a auga xestiónaa a comunidade local, e queriamos mostrar o noso recoñecemento ao seu esforzo por conservar e protexer un recurso vital.
Ciclo da Auga
O centro do proxecto foi transformar o depósito de auga da aldea nun mural impresionante, deseñado polo muralista @cuco_cuco_cuco_cuco. O mural fíxose realidade coa axuda de máis de cincuenta persoas da aldea. A iniciativa foi posible grazas á colaboración entre Cuco e o coworking Arroelo de Pontevedra, e aos nosos socios Galicia Pultec, @pinturas.armenteros, @duracolor e o Concello de Ponte Caldelas.
Pintar o mural foi unha oportunidade excelente para que o equipo de Anceu conectase coa comunidade local e creara vínculo con veciños aos que aínda non tiveramos ocasión de coñecer. A resposta da aldea foi abrumadoramente positiva: xente de todas as idades xuntouse para botar unha man e contribuír. Foi bonito ver como a comunidade do coliving e a da aldea se unían a través dunha experiencia compartida.
A comida é a mellor parte da festa
O último día xuntámonos todos no mural para celebrar que estaba terminado. Era unha imaxe bonita ver o depósito convertido nunha obra de arte, e todo o mundo estaba orgulloso de ter posto a súa parte.
Para celebralo, cada persoa cociñou algo e levouno á festa, montando unha comida compartida con moita variedade para todos os gustos.
E para que a festa seguise tivemos DJ, Natalia, e todo o mundo bailando e pasándoo xenial. Foi un evento realmente especial que uniu a comunidade e celebrou a importancia da auga na nosa vida.
Que nos deixou este proxecto?
En Anceu Coliving cremos en crear un impacto positivo na comunidade local, fomentar a sostibilidade, promover o intercambio de coñecemento e mellorar a vida das persoas. Eses valores guían todo o que facemos e están no centro da nosa misión de construír un fogar de talento, equilibrado pola natureza e baseado na imperfección. Buscamos sempre formas de aprender dos demais e de axudarnos a crecer, e cremos na importancia de tomarse o tempo de vivir e evolucionar xuntos, en calma e harmonía.
Ciclo da Auga foi un exemplo deses valores en acción. Non só deu a coñecer a importancia do uso da auga e celebrou o coidado dos recursos naturais na aldea: tamén uniu a comunidade e xerou unha sensación de conexión.
Estamos agradecidos a todo o mundo que participou e axudou a que fose un éxito, incluído o muralista @cuco_cuco_cuco_cuco e o equipo do coworking Arroelo, ademais de Pepe, Rosabel, Casiano, Emilia, Pedro, Sara, Carlos, Guillermo, Kate, Ignacio, Dulce, Olga, Rogelio, Miguel e o resto de persoas da comunidade, tan singulares e activas, que se sumaron a pintar o muro.
Xuntos podemos crear un futuro positivo e sostible. Eventos como Ciclo da Auga recórdannos a forza da comunidade e o importante que é xuntarse para marcar unha diferenza.
Ciclo da Auga, o proxecto artístico de Anceu Coliving
Forma parte de Anceu Coliving 2023
Interésache formar parte dun evento de comunidade como Ciclo da Auga? En Anceu buscamos sempre formas de conectar coa comunidade local e de contribuír, e encantaríanos que formases parte.
Se queres formar parte da comunidade de Anceu en 2023, hai varias formas de sumarse:
- Séguenos nas redes. Publicamos con frecuencia sobre os nosos eventos e actividades en Instagram e Facebook.
- Reserva a túa estadía en Anceu.
- Escríbenos. Se tes unha idea para un evento ou un proxecto do que queiras formar parte, ou se queres saber máis de Anceu, non o dubides. Encantaranos saber de ti.
Temos ganas de darte a benvida á comunidade de Anceu e de compartir os proxectos e eventos que temos por diante.